ციფრული ბიბლიოთეკა

ავტორის შესახებ

ედუარდ უგულავა ( დ. 19 სექტემბერი 1973, გორდი, ახლანდ. ხონის მუნიციპალიტეტი ) – ქართველი მწერალი, პედაგოგი, პოეტი.

დაამთავრა კულტურის სახელმწიფო ინსტიტუტი ლიტერატორის სპეციალობით 1999 წელს; მასმედიისა და საზოგადოებრივი კომუნიკაციების ინსტიტუტის მაგისტრატურა 2004 წელს. სხვადასხვა დროს მუშაობდა ქართული ენისა და ლიტერატურის მასწავლებლად, ასევე - რედაქტორად: გამომცემლობა "ეროვნული მწერლობა", "მერანი"; 2015-2018წწ.  კავკასიის საერთაშორისო უნივერსიტეტის "ღვინის თეატრის" დირექტორად; 2020  წლიდან  არის  რუსთავის  გიგა  ლორთქიფანიძის  სახელობის  დრამატული  თეატრის  ლიტერატურული ნაწილის ხელმძღვანელი; ავტორია ხუთი პოეტური კრებულისა: "გულში შენ ხარ!", "ეს შენა ხარ-მომავალი ჩვენი!", "თუ გეყვარება...", "ვერცხლის ტყვიები", "შენ  რომ  არა...". 2016 წელს გახდა წმინდა ილია მართლის (ჭავჭავაძის) გაზეთ "ივერიის" სახელობის პროზა-პოეზიის პრემიის ლაურეატი.