„ქართული ფოლკლორის“ III ტომი ეძღვნება საქართველოს სსრ მეცნიერებათა აკადემიის შ. რუსთაველის სახელობის ქართული ლიტერატურის ისტორიის ინსტიტუტის ფოლკლორის განყოფილების გამგის, მეცნიერების დამსახურებული მოღვაწის, ფილოლოგიურ მეცნიერებათა დოქტორის პროფესორ მიხეილ ჩიქოვანის დაბადების 60 წლისთავს. აქ მოთავსებულია იუბილარისადმი მიძღვნილი წერილები და იუბილარის სამეცნიერო ნაშრომების ბიბლიოგრაფია. ამასთან ერთად, კრებულში წარმოდგენილია ინსტიტუტის ფოლკლორის განყოფილების თანამშრომელთა წერილები ქართული ფოლკლორის ცალკეულ ჟანრებზე, დაბეჭდილია იუბილარის მეგობრების, გამოჩენილი ქართველოლოგების წერილები, რომლებშიაც გაშუქებულია ქართული კულტურის საინტერესო საკითხები.