ნაშრომი ეძღვნება ფილოსოფიური ანთროპოლოგიის კარდინალურ საკითხებს. გაანალიზებულია ადამიანის მთლიანობის პრობლემა, ადამიანის გონითი ყოფიერების არსი, თავისუფლებისა და მოთხოვნილების ცნებათა ურთიერთმიმართების საკითხი. ადამიანის, ინდივიდის და პიროვნების განსხვავებათა საფუძველზე დადგენილია თითოეული მათგანის რაობა, ფილოსოფიური თვალთახედვითაა გამოკვლეული ნეგატიური მოვლენები და მათი დაძლევის გზები, ორიგინალურადაა წარმოდგენილი შემოქმედების არსი და შემოქმედებითი მოღვაწეობის სპეციფიკურ-ადამიანური ხასიათი.