ციფრული ბიბლიოთეკა

ნაშრომში წარმოდგენილია XVI საუკუნის ოსმალო ავტორის – სოლაქ აბუბექრ ბინ აბდულაჰის თხზულების, „გამარჯვებათა წიგნის“, თურქული ტექსტი ქართული თარგმანით, შესავლით, შენიშვნებითა და საძიებლებით. ტექსტი დადგენილია პარიზული და ვენური ნუსხების მიხედვით. ავტორი მონაწილეა 1578-1580 წლებში საქართველოში, შირვანსა და დაღესტანში ოსმალთა შემოსვლისა ლალა მუსტაფა ფაშას მეთაურობით. წყაროს მეცნიერულ მიმოქცევაში შემოტანით ბევრი საყურადღებო ცნობით მდიდრდება და ივსება XVI საუკუნის 70-იანი წლების, როგორც საქართველოს, ისე კავკასიისა და თურქეთის ისტორიის საკითხები.