,,წიგნის სათაური „ილო პატაშური - ქართული ფერწერის დიდი ოსტატი“ დიდ ლადო გუდიაშვილს დავესესხეთ. მისეულ შეფასებაში სულ რამდენიმე სიტყვაში იძერწება ილო პატაშურის – თანამედროვეობის თვალსაჩინო ფერმწერის ლამაზი პორტრეტი! ბატონი ილო, გუდიაშვილის თქმისა არ იყოს, მშვენიერებისა და სილამაზის თაყვანისმცემელია, ჭეშმარიტად კეთილი გულის ადამიანი. თამამად შეიძლება ითქვას, რომ არ უყვარს იაფფასიანი პოპულარობა – მისი გამორჩეულობა და სისადავე შერწყმულია ნიჭიერებასთან და ღრმა ერუდიციასთან, ბოლომდე იხარჯება და რასაც ქმნის, ყველაფერში საკუთარ ხელწერას ტოვებს. ეს წიგნი მისი შემოქმედების თაყვანისმცემელთა სულის ამოძახილია!".