კვლევის საგანს წარმოადგენს ლექსიკური მნიშვნელობა და მისი ცვლა. ქართული სიტყვის მნიშვნელობის კვლევას არაერთი ნაშრომი მიეძღვნა. განსაკუთრებით დაწვრილებითაა შესწავლილი სიტყვის მნიშვნელობის განვითარების ისეთი სფერო, როგორიცაა პოლისემია. ამასთანავე, უნდა აღინიშნოს, რომ სიტყვის მნიშვნელობა განვითარებას განიცდის დროშიც. მნიშვნელობის განვითარების ეს სახე გულისხმობს მის მკვეთრ ცვლილებებსაც. ნაშრომში ,,სიტყვის მნიშვნელობის ცვლილების საკითხი ქართულში“ მსჯელობა მიმდინარეობს ზოგადთეორიული საკითხების ფონზე როგორიცაა – ცვალებადობა, ენის ცვალებადობა,
ენისა და ლექსიკის განვითარება, ენა და კულტურა და სხვა.