ციფრული ბიბლიოთეკა

ჯაბა იოსელიანის ,,ლიმონათის ქვეყანა" ციხეში იწერებოდა. ავტორთან ერთად მასაც ათავისუფლებდნენ აჯანყებულები, მაგრამ ავტორისავე ნებით ხელნაწერებით სავსე საქაღალდე კვლავ საკანში რჩებოდა. მერე ციხის შენობაც დაიწვა, თანამებრძოლებთან ერთად ნანგრევების სანახავად მისულმა ჯაბა იოსელიანმა უკვე გამოგლოვილ საქაღალდეს მაშინ მოჰკრა თვალი, როცა მის კიდეებს ცეცხლის ენები ლოკავდნენ. გადარჩა წიგნი, რომელიც მსხვილად გაცრილ ფქვილისგან გამომცხვარ პურს შეიძლება შევადაროთ, შიმშილის მოკვლა რომ შეუძლია...