ზოოგეოგრაფია არის მეცნიერება, რომელიც შეისწავლის ცხოველთა გეოგრაფიულ გავრცელებას დედამიწის ზედაპირზე და არკვევს იმ კანონზომიერებებს რომლებიც განაპირობებენ ცხოველთა განსახლებას. ზოოგეოგრაფიის ამოცანას შეადგენს გამოარკვიოს ის მიზეზები, თუ დედამიწის ზედაპირის ესა თუ ის მონაკვეთი რატომაა დასახლებული ამა თუ იმ ჯგუფის ცხოველებით. აღნიშნულის დასადგენად ზოოგეოგრაფია, გარდა კვლევის საკუთარი მეთოდებისა, მიმართავს სხვა, როგორც ბიოლოგიურ, ისე არაბიოლოგიურ, დისციპლინებს.