იბერიულ-კავკასიური ენათმეცნიერების XV ტომი ეძღვნება დიდი ქართველი პოეტისა და მოაზროვნის შოთა რუსთაველის დაბადების 800 წლისთავს. ამიტომ პირველ რიგში მოთავსებულია გამოკვლევები, რომლებშიც განხილულია ვეფხისტყაოსნის ენის შესწავლის რამდენიმე მნიშვნელოვანი საკითხი. ტომში დაბეჭდილია წერილები, რომლებიც ეხება თანამედროვე ზოგადი ენათმეცნიერების აქტუალურ პრობლემებს, ქართველური და მთის იბერიულ-კავკასიური ენების ფონეტიკის, მორფოლოგიის, სინტაქსისა და ლექსიკის, აგრეთვე ამ ენათა ისტორიულ–შედარებითი შესწავლის უმნიშვნელოვანეს საკითხებს. გარდა ამისა, ცალკეულ სტატიებში გაანალიზებულია თანამედროვე ქართული სალიტერატურო ენის ზოგიერთი საკითხი.