ციფრული ბიბლიოთეკა

ძველი ჩინური ფილოსოფიურ-რელიგიური თხზულება „დაო დე ძინი“, ანუ „წიგნი გზისა და სათნოებისა“, პირველ ჩინურ პოეტურ ქმნილებად არის აღიარებული, ხოლო მისი შემოქმედი, ბრძენთაბრძენი ლაო-ძი, ერთ-ერთ უდიდეს ფილოსოფოსად მსოფლიო აზროვნების ისტორიაში. შემთხვევით არ უწოდებიათ ამ წიგნისთვის გადმოპირქვავებული პირამიდის წვერი. ოცდახუთი საუკუნის წინათ მასზე აღმოცენდა ერთ-ერთი უდიდესი მოძღვრება ჩინეთისა – დაოიზმი. მანვე დაუდო სათავე ფილოსოფიის, ლიტერატურისა და ხელოვნების სხვადასხვა მიმდინარეობას არა მარტო ჩინეთში.