„ნარკვევებში“ განხილულია მახლობელი აღმოსავლეთის სოციალურ-ეკონომიური ისტორიის აღმოსავლური და ქართული დოკუმენტური წყაროები. ამავე მიზნითაა შესწავლილი ჟამთააღმწერლის და ახალციხის ლივას „კანუნ-ნამეების", ცნობები სოციალურ-ეკონომიური ისტორიის თვალსაზრისითაა განხილული IX-X სს. არაბული ნუმიზმატიკური მასალები. სპარსული და სპარსულენოვანი წყაროების მიხედვით დახასიათებულია საქართველოს სოციალ-პოლიტიკური და ეკონომიური მდგომარეობა XIV-XV საუკუნეებში. ცალკე ნარკვევი ეძღვნება პროფ. ვ. მინორსკის ღვაწლს კავკასიის პოლიტიკური და სოციალურ-ეკონომიური ისტორიის საკითხების შესწავლის საქმეში.