ნაშრომში შეჯამებულია წოფის გამოქვაბულში 1957-1956 წწ. წარმოებული გათხრის შედეგები. მატერიალური ნაშთების შესწავლის საფუძველზე წოფის კულტურა კუთვნილი ადგილი დაიკავა საქართველოსა და მეზობელი ქვეყნების ქვის ხანის ძეგლებს შორის. ამ აღმოჩენით ჩვენი ქვეყნის პალეოლითის ქრონოლოგიურ სქემას მეტად საჭირო რგოლი შეემატა, რამაც, ერთი მხრივ, ურთიერთს დაუკავშირა აშელისა და მუსტიეს პერიოდები, ხოლო მეორე მხრივ, უფრო ნათელი წარმოდგენა შეგვექმნა პალეოლითელის განსახლების შესახებ ამიერკავკასიაში.