ნაშრომში, კონსტიტუციონალიზმის თანამედროვე დონის გათვალისწინებით, განხილულია სასამართლოს დამოუკიდებლობის აუცილებელი პირობები და არსებული პრობლემები. ამ ჭრილში, მდიდარი თეორიული განზოგადებებისა და პრაქტიკული ფაქტურის არგუმენტებით, საერთაშორისო სამართლისა და ეროვნული კონსტიტუციური სამართლის წყაროების მოთხოვნათა საფუძველზე გაანალიზებულია სასამართლო ხელისუფლების რეალური ადგილი ხელისუფლების დანაწილების სისტემაში. გარკვეული მოსაზრებებია ჩამოყალიბებული სასამართლო ორგანოების თვითმმართველობის განსაკუთრებულ მნიშვნელობაზე დემოკრატიული სამართლებრივი სახელმწიფოს რეალიებთან მიმართებაში. ყოველივე აღნიშნულის გათვალისწინებით ცალკე თავში განიხილება სასამართლო სისტემის მართვის თავისებურებები საქართველოში და ჩამოყალიბებულია მისი სისტემური ორგანიზაციის სრულყოფის წინადადებები.