ციფრული ბიბლიოთეკა

წარმოდგენილი „ეთნოგრაფიული ძიებანი“ ავტორების მარტვილის ეროვნული მუზეუმის დირექტორის, მეცნიერებათა კანდიდატის გივი ელიავას და დირექტორის მოადგილე, მეცნიერ მუშაკი დევი ელიავას მრავალწლიანი შრომის შედეგია. აქ ჩართულია მხოლოდ სამი ნარკვევი: „დედამიწის ღვთაებრივი თაყვანების რიტუალი და სათაყვანო შრომის ჰიმნი „ოდოია“ (ოდოდია), სადაც ადგილობრივი მასალების ანალიზის და ისტორიკოს-მეცნიერთა კვლევების საფუძველზე შესწავლილია მიწის ღვთაების უძველესი სახელწოდება „ოდოდია“ - მიწა დედა. მეორე ნარკვევი: „თვითმმართველობის ხალხური ინსტიტუტი ძველ სამეგრელოში“, ეხება ხალხური თვითმმართველობის ინსტიტუტს, მის ჩამოყალიბებას და ფუნქციებს, სტრუქტურულ სრულყოფას და მართვის ხალხური დემოკრატიის ფუნქციონალურ სახეებს. მესამე – „საქართველო და ქართველი ებრაელები“ წლების განმავლობაში ავტორის ქართველი ებრაელების ისტორიის საკითხების მხოლოდ ზოგადი კვლევაა.