წინამდებარე სახელმძღვანელო მოიცავს „ფორმალური დებატების“ სწავლების მთლიან პროგრამას. სახელმძღვანელო განკუთვნილია იმ ადამიანებისათვის, რომლებიც მოზარდებთან მუშაობენ და ავითარებენ მათში ურთიერთობის, თანამშრომლობისა და თვითდამკვიდრების უნარებს. სახელმძღვანელოს სახელწოდება – „ფორმალური დებატები განათლებისა და ინტეგრაციისათვის“ – მიანიშნებს, რომ დებატების სწავლების მეთოდის გამოყენება ერთდროულად ხელს უწყობს მოზარდებში საგანმანათლებლო უნარების დახვეწას და ტოლერანტობის იდეაზე დაფუძნებული ცივილური ურთიერთობის ჩამოყალიბებას.