,,მოგზაური ქალების სამყარო ქალთა კულტურის ერთ–ერთი ნაწილია, მისი ყველაზე მრავალფეროვანი და მოულოდნელი შენაკადია. იგი გვიჩვენებს, თუ როგორ დაუსხლტნენ ქალები შინაურ ყოფას და როგორ დაეწაფნენ ახალი ცოდნის, გამოცდილების, ინფორმაციის, თავგადასავლის, სიყვარულის და შემოქმედების სივრცეებს. უცხო თვალით დანახული, ქართული სინამდვილის ამსახველი ტექსტები სასარგებლო იქნება ყველასთვის, ვინც ქალების კულტურას, ისტორიას იკვლევს, ვისაც საკითხების და პრობლემების ინტერდისციპლინური პერსპექტივა აინტერესებს და არ არის შეზღუდული ვიწრო და მშრალი ისტორიოგრაფიით".