ნაშრომში ძველი კოლხეთის ისტორიის ფონზე, კინტრიშის ხეობასა და სოფელ ხუცუბანში ახლად მოძიებული არქეოლოგიურ ისტორიული მასალისა და ქართული საბჭოური არქეოლოგიის მონაპოვართა საფუძველზე, ავტორი მიზნად ისახავს გაარკვიოს ბრინჯაოდან რკინის იარაღის წარმოებაზე გარდამავალი ხანის კოლხეთის სოციალურ-ეკონომიური და იდეურ მსოფლმხედველობითი გარემოს ზოგიერთი საკითხი. ნაშრომში სათანადო ადგილი აქვს დათმობილი ქართული წარმართობის საკითხებს. მასში გამახვილებულია ყურადღება ქართული ისტორიოგრაფიის არა ერთი პრობლემისადმი, მაგ. როგორიცაა სტრაბონისეული ლევკოთეას ტაძრის ლოკალიზაციის საკითხი (ნასაყდრალ თეთროსნის მიდამო) და სხვ.