ციფრული ბიბლიოთეკა

,,რომანში ერთმანეთს ცვლის უაღრესად შთამბეჭდავი პასაჟები და მხატვრული სახეები. რეზო ადამია ფერმწერია და სწორედ ფერწერა დომინანტობს რომანში. აი, თურმე რატომ ხატავდა ბატონი რეზო გამუდმებით ამომავალ და ჩამავალ მზეებს. ეს „მზეები“ შემზადება იყო „მზემდე“ მისასვლელად. ამ რომანის უმთავრესი პრობლემა არ გახლავთ ლოკალურად ერთი ქვეყნის პრობლემა, იგი მსოფლიოს პრობლემაა, თუმც ნაწარმოები უაღრესად ეროვნულია აზროვნების სტილით და ენობრივ - მხატვრული აქსესუარებით. რომანის კომპოზიცია და ემოციურ-ფსიქოლოგიური ქსოვილი ისეთივე კონკრეტული, მკაფიო და გამჭვირვალეა, როგორიცაა რეზო ადამიანს მიერ დიდი სულიერი სიფაქიზით დაწერილი წმინდა ნინოს და წმინდა გიორგის ხატები: „მზე“ დახუნძლულია მწერლისეული ფილოსოფიურ-მისტიური წიაღსვლებით" – რევაზ მიშველაძე.