ციცერონის შემოქმედებამ დიდი გავლენა იქონია არა მარტო რომაულ მწერლობაზე, არამედ დასავლეთ ევროპის ლიტერატურაზეც. მის თხზულებებს ასწავლიდნენ რომში, უკეთებდნენ კომენტარებს. ციცერონის ნაწარმოებებით საეკლესიო მწერლებიც საზრდოობდნენ (ლაკტანციუსი, იერონიმუსი, ავგუსტინე). დიდ პატივში იყო ციცერონი აღორძინების ხანაში. მისი თხზულებების ენა გახდა საფუძველი ე.წ. ახალი ლათინური პროზისა, რომელმაც დიდი სამსახური გაუწია ევროპის ხალხთა ლიტერატურის ჩამოყალიბებას.