ანაკრეონტი ძველბერძნული ლირიკის ერთ-ერთი დიდი წარმომადგენელია. ფრაგმენტულად გადარჩენილმა მისმა სატრფიალო და სანადიმო სიმღერებმა დროსთან ჭიდილს გაუძლეს და შეინარჩუნეს სურნელი იონიური ზეიმისა, ფერთა სიუხვე და სიმშვენიერე. ანაკრეონტის თაყვანისმცემლები მისი მიბაძვით ქმნიდნენ და პოეტის სახელით ავრცელებდნენ საკუთარ ლექსებს. ასე გრძელდებოდა მრავალი საუკუნის მანძილზე.