ციფრული ბიბლიოთეკა

ავტორის შესახებ

გელა ბანძელაძე ( დ. 10 დეკემბერი, 1927 – გ. 15 ივლისი, 1985 ) – ფილოსოფოსი. 

დაამთავრა თბილისის სახელმწიფო უნივერსიტეტის ფილოსოფიის ფაკულტეტი 1950 წელს.

1948–1956წწ. იყო მარქსიზმ–ლენინიზმის ინსტიტუტის საქართველოს ფილიალის მეცნიერ–მუშაკი, 1951–1952წწ. გაზეთ "კომუნისტის" პროპაგანდის განყოფილების გამგე, 1956–1961წწ. საქართველოს მეცნიერებათა აკადემიის ფილოსოფიის ინსტიტუტის უფროსი მეცნიერ–მუშაკი, 1961–1964წწ. თბილისის სახელმწიფო უნივერსიტეტის დოცენტი, 1964–1969წწ. თბილისის სახელმწიფო უნივერსიტეტის ეთიკის, ესთეტიკის და ათეიზმის კათედრის გამგე, 1969–1972წწ. იყო თბილისის სულხან–საბა ორბელიანის სახელობის პედაგოგიური ინსტიტუტის რექტორი, 1972–1985წწ. საქართველოს მეცნიერებათა აკადემიის ფილოსოფიის ინსტიტუტის ეთიკის კათედრის გამგე. მუშაობდა ეთიკის, ესთეტიკის, ათეიზმის, სოციოლოგიის და ლოგიკის პრობლემებზე. ფილოსოფიურ მეცნიერებათა დოქტორი(1963), პროფესორი(1965).