ციფრული ბიბლიოთეკა

ავტორის შესახებ

ვაჟა ეგრისელი ( დ. 1941 ) – პოეტი, მთარგმნელი, ფილოლოგი. ნამდვილი გვარი – დოლბაია. დაიბადა სოფელ პირველ ხორგაში (ხობი). განათლებით არის იურისტი და ინჟინერი. 1983 წელს დაამათავრა მოსკოვის მაქსიმ გორკის სახელობის მსოფლიო ლიტერატურის ინსტიტუტი. მისი სამწერლო ნათლობა 1967 წელს შედგა, როდესაც ხობის რაიონულ გაზეთში გამოაქვეყნეთ ლექსი „დედა”. მას შემდეგ მისი ლექსები სისტემატურად ქვეყნდება ქართულ სალიტერატურო ჟურნალ-გაზეთებში, გამოდის ცალკე წიგნებად. ქართველმა მკითხველმა შეიყვარა და გაითავისა მისი ისეთი პოეტური კრებულები, როგორიცაა „ამაღლება”, „ნათელხილვა”, „საგალობელი”, „სიცოცხლე”, „უნაპირობა”, „აისბერგები”, „მოლოდინი”, „შეიბნ მახვილი” (1990), „იქმენ ნათელი” (1993)... ცალკე აღნიშვნის ღირსია „კოლხური ფსალმუნები” ხუთ ტომად, რომელიც ოცი ათასზე მეტ ლექსს შეიცავს. სულ არის ოცდაათამდე წიგნის ავტორი. თარგმნილი და ცალკე წიგნებად აქვს გამოცემული. საზღვარგარეთის ქვეყნების ორმოცდაათზე მეტი ახალგაზრდა პოეტის ლექსების მცირე ანთოლოგია „ოქროს მტევანი”, აგრეთვე, ფეოდორ ტიუტჩევის ლექსები. იგი იყო გამომცემლობა „მოლოდინის” გენერალური დირექტორი, რედაქტორობდა გაზეთებს — „ამაღლებას”, „აკადემოსს”, „ქალდეას”...