ციფრული ბიბლიოთეკა

ამერიკელი მწერლის ჯონ აპდაიკის 1960 წელს გამოცემულმა რომანმა „ბაჭია, გაიქეცი“, ფართო გამოხმაურება პოვა და შემდგომში საყოველთაოდ ცნობილი ტეტრალოგიის პირველ ნაწილად იქცა. პროვინციული ქალაქის ჩვეულებრივი მცხოვრების, ახალგაზრდა ჰარი ენგსტრომის – მეტსახელად ბაჭიას მაგალითზე, მწერალი ე.წ. საშუალოსტატისტიკური ამერიკელის ცხოვრებას გადმოგვცემს და ამ თითქოსდა უპრეტენზიო ამოცანის გადაჭრისას, 60-იანი წლების აშშ-ის ყოფის შთამბეჭდავ, განზოგადებულ სურათს გვიხატავს. ტეტრალოგიამ თავისი საბოლოო სახე მრავალი წლის შრომის შედეგად მიიღო და მის ჩამოყალიბებას 30 წელიწადი დასჭირდა. მეორე რომანი – „ბაჭია ბრუნდება“ 1971 წ. გამოვიდა. მას მოჰყვა „ბაჭია გამდიდრდა“ (1981) და „ბაჭია ისვენებს“ (1990).