ავტორის შესახებ
პაატა ჩხეიძე ( დ. 19 ნოემბერი, 1955 ) – მეცნიერი, პედაგოგი, პოლიტიკოსი. 1977 წელს დაამთავრა ილია ჭავჭავაძის სახელობის თბილისის უცხო ენათა სახელმწიფო პედაგოგიური ინსტიტუტის ინგლისური ენისა და ლიტერატურის ფაკულტეტი. სხვადასხვა დროს მუშაობდა ინგლისური ენის მასწავლებლად სოფლის სკოლაში, სალიტერატურო ნაწილის გამგედ გორის გიორგი ერისთავის თეატრში, კითხულობდა ლექციებს გორის ნიკოლოზ ბარათაშვილის პედაგოგიურ ინსტიტუტში. მუშაობდა საქართველოს მეცნიერებათა აკადემიის ფილოსოფიის ინსტიტუტში მეცნიერ-თანამშრომლად (1987-92); იყო საქართველოს რესპუბლიკის პირველი მოწვევის უზენაესი საბჭოს წევრი, ხოლო მოგვიანებით – საქართველოს რესპუბლიკის პარლამენტის წევრი (1992-2005). მუშაობდა გორის სახელმწიფო უნივერსიტეტის ინგლისური ენისა და ლიტერატურის კათედრის გამგედ; უცხო ენების ფაკულტეტის დეკანად (1997-2006), ქალაქ გორის მერად (2002-2004). აშშ-ის კათოლიკური უნივერსიტეტის მიწვეულ პროფესორად, 2005-2006 წლებში, ფულბრაიტის გაცვლითი პროგრამით, იყო აშშ-ის National Humanities Institute-ის წევრ-კორესპონდენტი საქართველოში.
