„კრიტიკული ეტიუდები“ ავტორის მიერ სხვადასხვა დროს დაწერილი და გამოქვეყნებული წერილების კრებულს წარმოადგენს. გარდა ზოგიერთი შემოკლებისა, ტექსტში უმნიშვნელო ცვლილებაც შევიტანეთ.
ამ წიგნის ძირითადი მიზანია დახმარება გაუწიოს ლიტერატურით დაინტერესებულ მკითხველებსა და მოსწავლე ახალგაზრდობას. კრებულში შეტანილია მხოლოდ ექვსი ნარკვევი, რომლებიც XIX საუკუნის ლიტერატურის ფარგლებს არ სცილდებიან. ამ ნარკვევებში უმთავრესად რომანტიზმისა და რეალიზმის პრობლემებია განხილული, გარდა უკანასკნელი წერილისა, რომელიც სამამულო ომის ვითარებაში, კავკასიონთან ფაშისტთა ურდოების წინააღმდეგ ბრძოლის მრისხანე დღეებში 1942 წლის ზაფხულზე დაიწერა და ილია ჭავჭავაძის პუბლიცისტიკას გერმანიის მილიტარიზმის კრიტიკის ასპექტში წარმოგვიდგენს,
ავტორი