ციფრული ბიბლიოთეკა

საქართველოს კარსტული მღვიმეების ცნობარში შესულია დასავლეთ საქართველოს თითქმის ყველა დიდი თუ პატარა კარსტული ობიექტის (მღვიმე, უფსკრული, შახტი, ჭა სხვ.) სახელწოდებანი მოკლე მონაცემებით, სულ 1355 ერთეული. ერთი და იგივე სახელწოდება ხშირად რამდენიმე სპელეოობიექტს აქვს მიკუთვნებული. ასეთ შემთხვევაში სახელწოდებას მითითებული აქვს სათანადო დასახლებული პუნქტი. როდესაც მღვიმე რამდენიმე სახელით არის ცნობილი, ცნობარში ნაჩვენებია ყველა სახელი ერთად. მაგ., აღმავალი (ახალი ათონის „ძველი“, სტალაქტიტური, ფსირცხის) მღვიმე და ა.შ. წიგნში შესულია მღვიმეთა ქართული კუთხური (მეგრული, აფხაზური) სახელწოდებებიც.