ციფრული ბიბლიოთეკა

წიგნი შეიცავს XVI-XIX საუკუნეების ისტორიულ-ბიბლიოგრაფიულ ცნობებს ძველქართულ მწერლობაზე. ისინი დაცულია ბაგრატ ბატონიშვილის (XVI ს.), იაკობ შემოქმედელის (XVII ს.), არჩილ მეფის (XVII-XVIII სს.), ზაქარია გაბაშვილის, გერმანე მონაზონის, გაბრიელ მცირის (XVIII ს.), დავით რექტორის, იოანე და თეიმურაზ ბაგრატიონების (XIX ს.ე) შრომებში. ტექსტები დადგენილია ხელნაწერების და ბეჭდური გამოცემების კრიტიკულად შესწავლის საფუძველზე. მათ უძღვის ნარკვევი XVI-XIX საუკუნეების ისტორიულ-ბიბლიოგრაფიული წყაროები და მათი მეცნიერული მნიშვნელობა, ერთვის შენიშვნები, საკუთარ სახელთა განმარტებითი ლექსიკონი და „მცირე უწყებათა“ ტექსტებში დამოწმებულ თხზულებათა ანბანური ნუსხა.