ავტორის შესახებ
ბელა წიფურია (დ. 1967) დაამთავრა ივანე ჯავახიშვილის სახელობის თბილისის სახელმწიფო უნივერსიტეტის ფილოლოგიის ფაკულტეტი და ასპირანტურა, დაიცვა დისერტაცია თემაზე ცისფერყანწელთა ლიტერატურული სკოლა (1993). იყო შოთა რუსთაველის სახელობის ქართული ლიტერატურის ინსტიტუტის მკვლევარი. სხვადასხვა წლებში იყო მიწვეული მკვლევარი ლუნდის უნივერსიტეტში, პენსილვანიის სახელმწიფო უნივერსიტეტში, კრაკოვის საერთაშორისო კულტურის ცენტრში, მიჩიგანის უნივერსიტეტში. იყო საქართველოს განათლებისა და მეცნიერების მინისტრის მოადგილე. 2008 წლიდან ილიას სახელმწიფო უნივერსიტეტის პროფესორია.
