ციფრული ბიბლიოთეკა

ავტორის შესახებ

ელენე ვირსალაძე ( დ. 1911 – გ. 1977 ) – ფოლკლორისტი. 

დაამთავრა თბილისის სახელმწიფო უნივერსიტეტის ფილოლოგიის ფაკულტეტი 1930 წელს. 1936 წლიდან მუშაობდა შოთა რუსთაველის სახელობის ქართული ლიტერატურის ინსტიტუტში, კითხულობდა ლექციებს თბილისის სახელმწიფო უნივერსიტეტსა და სხვადასხვა პედაგოგიურ ინსტიტუტებში. 1976 წლიდან ხელმძღვანელობდა თბილისის სახელმწიფო უნივერსიტეტის ფოლკლორისტიკის კათედრას. მის  სამეცნიერო კვლევის სფეროს წარმოადგენდა ფოლკლორის აქტუალური საკითხები: მითოლოგიის პრობლემები, ეპიკურ ტრადიციათა თავისებურებები ფოლკლორში და სხვა. 1958 წელს გამოაქვეყნა "ქართველ მთლიელთა ზეპისიტყვიერება".  მას თვალსაჩინო წვლილი მიუძღვის ზეპირსიტყვიერების შეკრბისა და გამოქვეყნების საქმეშიც. გამოკვლევითა და მეცნიერული კომენტარებით გამოსცა "რჩეული ქართული ხალხური ზღაპრები" (ტ. 1-2, 1949-1958), მონაწილეობდა "ქართული ხალხური პოეტური შემოქმედების"(ტ. 1-3, 1960-1973) შედგენაში. მისი ნაშრომები თარგმნილია რუსულ, ფრანგულ, გერმანულ, ინგლისურ ენებზე. საკანდიდატო დისერტაციის თემა - "ქართული ზღაპრის გენეზისის პრობლემა", დაიცვა 1936 წელს.